ბილეთი №1013 · სპეციალური სიგნალის გამოყენება
ჩართული ახლო განათების ფარებით სატვირთო ავტომობილს მიაცილებს ოპერატიული სამსახურის ავტომობილი, ჩართული ლურჯი მოელვარე სპეციალური ციმციმა და ხმოვანი სიგნალებით. რომელი ავტომობილის მიმართ წარმოექმნება გზის დათმობის ვალდებულება ავტობუსის მძღოლს ისრის მიმართულებით მოძრაობის შემთხვევაში შუქნიშნის ამ სიგნალზე?
- აარცერთი ავტომობილის მძღოლის მიმართ
- ბმხოლოდ ოპერატიული ავტომობილის მძღოლის მიმართ
- გროგორც ოპერატიული სამსახურის, ასევე სატვირთო ავტომობილების მძღოლების მიმართ✓ სწორი პასუხი
რატომ?
გზის დათმობა ეხება არა მარტო თვითონ ოპერატიულ ავტომობილს, არამედ იმ სატვირთოსაც, რომელსაც ის აცილებს და რომელსაც ახლო განათების ფარები აქვს ჩართული. ამიტომ ავტობუსის მძღოლმა ორივეს უნდა დაუთმოს გზა, თუნდაც შუქნიშანი მის მიმართულებას უშვებდეს.
კანონის ტექსტი
„საგზაო მოძრაობის შესახებ“ საქართველოს კანონის 51-ე მუხლის მე-2 პუნქტის თანახმად, საგზაო მოძრაობის მონაწილეები ვალდებული არიან, ოპერატიული ან სპეციალური სამსახურის სატრანსპორტო საშუალების მოახლოებისას, რომელსაც ჩართული აქვს ლურჯი მოელვარე სპეციალური ციმციმა სიგნალი და ხმოვანი სიგნალი ან/და რომელიც ხმამაღლამოლაპარაკე ხელსაწყოთი იძლევა სიგნალს, მას, აგრეთვე მის მიერ გასაცილებელ სატრანსპორტო საშუალებას, რომელსაც ჩართული აქვს ახლო განათების ფარები, გაუთავისუფლონ სავალ ნაწილზე ადგილი, ხოლო აუცილებლობის შემთხვევაში − გაჩერდნენ.